ថៃឡង់ដ៍៖ យោងតាមសេចក្តីប្រកាសផ្លូវការនៃព្រះរាជវាំងថៃ នាព្រឹកថ្ងៃសុក្រ ទី១២ ខែមិថុនា ឆ្នាំ២០២៦ នេះ បានឱ្យដឹងថា ម្ចាស់ក្សត្រី បជ្រកិតិយាភា នរិន្ទ្រទេព្យវតី (Princess Bajrakitiyabha Narendiradebyavati) ដែលជាព្រះរាជបុត្រីច្បងរបស់ព្រះមហាក្សត្រថៃ មហា វ៉ាជីរ៉ាឡុងកន បានសោយទិវង្គតក្នុងព្រះជន្ម ៤៧ព្រះវស្សា កាលពីម៉ោង ៧:៤៨ នាទីយប់ថ្ងៃព្រហស្បតិ៍ នៅមន្ទីរពេទ្យ King Chulalongkorn Memorial Hospital ទីក្រុងបាងកក បន្ទាប់ពីទ្រង់បានប្រឈួនបាត់បង់ស្មារតីជិត ៤ឆ្នាំ ដោយសារតែព្រះរោគបេះដូង និងមានការប្រែប្រួលដុនដាបខ្លាំងដោយសារតែការឆ្លងមេរោគផ្នែកខាងក្នុងពោះ និងប្រព័ន្ធឈាម ។

ទ្រង់បានទទួលការព្យាបាលជាបន្តបន្ទាប់ ចាប់តាំងពីខែធ្នូ ឆ្នាំ ២០២២ បន្ទាប់ពីមានបញ្ហាចង្វាក់បេះដូងធ្ងន់ធ្ងរ។ ស្ថានភាពព្រះរាជសុខភាពបានកាន់តែធ្ងន់ធ្ងរ ដោយសារផលវិបាកពីការឆ្លងមេរោគក្នុងពោះ ដែលបណ្តាលឱ្យសរីរាង្គជាច្រើនបាត់បង់មុខងារ។

ព្រះមហាក្សត្រថៃ បានមានព្រះរាជបញ្ជាឱ្យរៀបចំព្រះរាជពិធីបុណ្យសព ដោយគោរពតាមព្រះរាជប្រពៃណី និងកិត្តិយសខ្ពង់ខ្ពស់បំផុត នៅក្នុងព្រះបរមរាជវាំង៕

ដោយ៖ រដ្ឋ រង្សី | ប្រភព៖ Reuters l South China Morning Post